Die Afrikaanse Taalmuseum en -monument is ’n skedule 3A openbare entiteit ingevolge die Wet op Openbare Finansiële Bestuur.
Hierdie verslae word jaarliks ingedien ingevolge die Grondwet van die Republiek van Suid-Afrika; die Wet op Openbare Finansiële Bestuur; Tesourieregulasies; die Wet op Kulturele Instellings asook ander toepaslike wette en regulasies.
Ter wille van finansiële deursigtigheid en verantwoordbare bestuur is die mees onlangse jaarverslae en amptelike planne hier beskikbaar vir die publiek, sodra dit deur die parlement aanvaar is.
