Die Groen Galery

Ter ere van die monument se argitek, Jan van Wijk, is hierdie buiteluggalery tussen die granietrotse en olienhoutbome uitgelê. Hy het sterk oor die natuur gevoel en dat die monument as ’n lewende beeldhouwerk moet dien. Daarom word taalverwante navorsing en veral opkomende Afrikaanse woordkunstenaars se werk in dié galery se uitstalkaste van herwonne hout en glas aangebied.

Besoekers is nie net geïnteresseerd in die geskiedenis van Afrikaans nie, maar ook nuuskierig oor die taal se ontwikkeling en jongste skeppende gedaantes aangesien dit nuwe perspektiewe bied op die bestaanswêreld van Afrikaanssprekende Afrikane. Van Wijk se as is hier in ’n rots ingemessel – kyk uit vir die gedenkplaat. Die uitstallings word elke paar maande afgewissel.

Benede is skakels na PDF’s van sommige uitstallings.