Ter viering van #Vrouemaand het die Afrikaanse Taalmonument (ATM) ʼn intieme pizza-wyn-sang-aand op Saterdag, 28 Augustus 2021, aangebied waartydens besoekers die kans gehad het om informeel kennis te maak met die instelling se vriendelike personeel.
Gaste was met drankies en #peuselhappies verwelkom waarna die bekende Crushanda Forbes hulle vermaak het met haar #indrukwekkende weergawes van die internasionale sangsensasie Adele (Laurie Blue Adkins) se liedjies. Dit was opgevolg met pizzas en wyn – die perfekte kombinasie vir ʼn vroeë wintersaand.
